Aholining turmush farovonligini oshirish, ehtiyojmand oilalarni manzilli qo‘llab-quvvatlash hamda ularning daromad manbalarini kengaytirish bugungi islohotlarning ustuvor yo‘nalishlaridan biri bo‘lib qolmoqda. Muzrabot tumanining Do‘stlik mahallasida ana shunday ezgu ishlarning yana bir namunasi amalga oshirildi.
Surxondaryo viloyati hokimi Ulug‘bek Qosimov hamda viloyat va tuman mutasaddilari ishtirokida II guruh nogironi Xolmirza Rahmonovning to‘liq ta’mirlangan xonadoni foydalanishga topshirildi.
Qisqa muddatda uy zamonaviy qiyofaga keltirilib, oila uchun qulay sharoitlar yaratildi. Farzandlar ta’lim olishi uchun alohida dars xonasi, oilaning barqaror daromad topishini ta’minlash maqsadida esa tikuv xonasi tashkil etilib, zamonaviy tikuv mashinasi topshirildi.
Tashrif yakunida viloyat hokimi oila a’zolari, xususan, farzandlar bilan samimiy suhbatlashib, ularga kitoblar va esdalik sovg‘alarini taqdim etdi. Mazkur tashabbus ehtiyojmand oilalarni qo‘llab-quvvatlash va ularning hayot sifatini yaxshilashga qaratilgan amaliy ishlarning yorqin ifodasi bo‘ldi.
