Muzrabot tumanida maktabgacha ta’lim sifatini oshirish va bolalar uchun zamonaviy sharoitlar yaratish borasidagi ishlar izchil davom etmoqda.
Viloyat seminarining navbatdagi manzili Do‘stlik mahallasida rekonstruksiya qilingan 14-sonli davlat maktabgacha ta’lim tashkiloti bo‘ldi. Prezidentimizning 2025-yil 27-dekabrdagi PQ-393-son qarori asosida yangidan bunyod etilgan muassasada bolalarning sifatli ta’lim olishi, xavfsiz muhitda tarbiyalanishi hamda mazmunli hordiq chiqarishi uchun barcha zarur sharoitlar yaratilgan.
Seminar ishtirokchilari zamonaviy jihozlangan guruh, o‘quv va o‘yin xonalari, oshxona, musiqa hamda sport mashg‘ulotlari uchun mo‘ljallangan xonalar bilan tanishdi.
Tashrif yakunida viloyat hokimi Ulug‘bek Qosimov hududlarda zamonaviy ijtimoiy infratuzilma obyektlarini barpo etish va aholiga munosib shart-sharoitlar yaratish ishlarini yanada jadallashtirish yuzasidan mas’ullarga tegishli topshiriqlar berdi.
