Mahallalarda obod va xavfsiz muhit yaratish, aholi turmush sifatini yaxshilash hamda Mustaqillikning 35 yilligini munosib kutib olish maqsadida Surxondaryo viloyatida “Mahallada obodlik va mehr-saxovat oyligi”ga start berildi.
Viloyat hokimi Ulug‘bek Qosimov rahbarligida o‘tkazilgan yig‘ilishda mahallalarni obodonlashtirish, ichki yo‘llar va muhandislik-kommunikatsiya infratuzilmasini yaxshilash, hududlarni chiqindilardan tozalash hamda sanitariya holatini mustahkamlash bo‘yicha ustuvor vazifalar belgilandi.
Shuningdek, “Xavfsiz hudud” tamoyilini samarali joriy etishda faollik ko‘rsatgan bir guruh xodimlar rag‘batlantirildi. Jumladan, Termiz shahridagi “Guliston” mahallasi profilaktika inspektori Odil Jabborov Ichki ishlar vazirining tegishli buyrug‘i bilan kapitan maxsus unvoni bilan taqdirlandi.
Yig‘ilish yakunida har bir mahallada obodlik ishlarini jadallashtirish, fuqarolar uchun yanada qulay yashash muhitini yaratish va bayramni yuksak saviyada kutib olish bo‘yicha aniq vazifalar belgilab berildi.
