Turizmni rivojlantirish, hududning tarixiy-madaniy merosini dunyoga tanitish va yangi hamkorliklarni yo‘lga qo‘yish borasidagi ishlar izchil davom etmoqda.
Ayni kunlarda Surxondaryo viloyati delegatsiyasi Turkiyaning Istanbul shahrida xizmat safarida bo‘lib, viloyatning turizm salohiyati, boy tarixiy merosi, milliy madaniyati va an’analarini xalqaro maydonda targ‘ib qilmoqda.
Delegatsiya tarkibida Oltinsoy tumani hokimining o‘rinbosari Temurbek Chorshanbiyev ham ishtirok etib, tumanning sayyohlik maskanlari, tarixiy obidalari va investitsion imkoniyatlarini xorijiy hamkorlar hamda mehmonlarga tanishtirmoqda.
Mazkur tashrif Surxondaryoning turizm salohiyatini keng targ‘ib etish, yangi hamkorlik aloqalarini yo‘lga qo‘yish, investitsiyalarni jalb qilish va hududning xalqaro nufuzini yanada mustahkamlashga xizmat qilishi bilan ahamiyatlidir.
