Maktabgacha ta’lim tizimini rivojlantirish va bolalar uchun zamonaviy sharoitlar yaratish borasidagi ishlar Muzrabot tumanida izchil davom etmoqda.
Prezidentning 2026–2028 yillarda ijtimoiy infratuzilmani rivojlantirishga qaratilgan qarori asosida “Do‘stlik” mahallasidagi 14-sonli davlat maktabgacha ta’lim tashkiloti rekonstruksiya qilinmoqda. Loyiha uchun 3 milliard 743 million so‘m mablag‘ yo‘naltirilgan.
Muzrabot tumani hokimi Abdulla Mamatqulov qurilish maydonida bo‘lib, ishlarning sifati va borishini o‘rgandi hamda aniqlangan kamchiliklarni bartaraf etish, qurilishni belgilangan muddatda va sifatli yakunlash yuzasidan mas’ullarga tegishli topshiriqlar berdi.
Rekonstruksiya ishlari yakunlangach, bog‘chada bolajonlar uchun zamonaviy va qulay shart-sharoitlar yaratiladi, bu esa maktabgacha ta’lim sifati va qamrovini yanada oshirishga xizmat qiladi.
