So‘nggi yillarda giyohvandlikka qarshi keskin kurashilayotgan bir paytda, giyohvandlik bilan bog‘liq jinoyatlarning sodir etilayotgani ayanchi. Surxondaryo viloyatida Ichki ishlar organlari va Davlat xavfsizlik xizmati xodimlari tezkor tadbir o‘tkazdi. Tadbir natijasida Termiz shahri va tumani hududida faoliyat yuritgan giyohvandlik tarqatgan jinoiy guruh aniqlanib, faoliyatiga chek qo‘yildi.
Guruh afg‘onistonlik ta’minotchi va mahalliy keksa yoshli fuqarolardan iborat bo‘lib, tintuv davomida 17 grammdan ortiq “opiy” va iste’mol uchun mo‘ljallangan ashyoviy dalillar musodara qilindi. Hozirda barcha gumonlanuvchilar qo‘lga olingan va ularga nisbatan Jinoyat kodeksi bo‘yicha ish qo‘zg‘atilgan, tergov harakatlari davom etmoqda.
Mazkur tezkor tadbir giyohvandlikning oldini olish, jinoyatchilikka qarshi kurashni kuchaytirish va aholining xavfsizligini ta’minlashda muhim ahamiyat kasb etadi. Bu holat hududda profilaktik chora-tadbirlarni kuchaytirish va jamoat xavfsizligini mustahkamlash lozimligini yana bir bor ko‘rsatmoqda.
