2025-yildan boshlab har yili yanvar–mart oylarida O‘zbekistondagi 14–17 yoshdagi umumta’lim maktablari o‘quvchilari o‘rtasida “Siz ekologiyaga oid qonunlarni bilasizmi?” respublika ko‘rik-tanlovi o‘tkazilib kelinmoqda.
Ayni damda Surxondaryo viloyati bosqichida tuman va shahar bosqichlarida g‘olib bo‘lgan maktab jamoalari “Intellektual ring”, “Ekologiya uchun barchamiz mas’ulmiz” va “Eng yaxshi ekologik loyiha” kabi shartlarda bilim va tashabbuslarini namoyish etmoqda.
Tanlovning asosiy maqsadi – yoshlar orasida ekologik madaniyatni oshirish, qonunchilik bo‘yicha bilimlarini mustahkamlash va atrof-muhitni muhofaza qilishga daxldorlik hissini kuchaytirishdir.
