Muqaddas Ramazon oyi munosabati bilan ehtiyojmand oilalarni qo‘llab-quvvatlash maqsadida O‘zbekiston Respublikasi Prezidenti qaroriga asosan bir martalik moddiy yordam ajratilmoqda. Ushbu yordam doirasida fuqarolarga 1 million va 500 ming so‘mlik mablag‘lar taqdim etilmoqda.
Xususan, Termiz shahri va viloyat hududlarida Ramazon oyida mehr va g‘amxo‘rlik xonadonlarga yetib bormoqda. Ma’lumotlarga ko‘ra, Surxondaryo viloyatida mazkur bir martalik moddiy yordam 70 mingga yaqin oilaga berilishi rejalashtirilgan.
Bu ezgu tashabbus Ramazon oyining asosiy g‘oyasi — insonparvarlik, saxovat va ijtimoiy birdamlikni yanada mustahkamlashga xizmat qilmoqda.
