Oltinsoy tumanining “Gulobod” mahallasida aholi tashabbusi bilan hashar yo‘li orqali 18 metrli yangi ko‘prik qurilishi jadal olib borilmoqda. Ushbu loyiha mahalla ichki yo‘llarida harakat xavfsizligini ta’minlash, piyodalar va transport vositalari qatnovini yengillashtirishga qaratilgan.
Ayni paytda ko‘prikning tayanch konstruksiyalari o‘rnatilib, betonlash ishlari bosqichma-bosqich amalga oshirilmoqda. Qurilish yakunlangach, mahalla aholisi, ayniqsa bolalar va keksalar uchun xavfsiz va qulay o‘tish sharoiti yaratiladi.
Bunday tashabbuslar joylarda infratuzilmani yaxshilash va aholining kundalik hayotini yengillashtirishda muhim ahamiyat kasb etmoqda.
