Markaziy Osiyo tadqiqotlari xalqaro instituti (IICAS) tomonidan 2026–2027-yillarga mo‘ljallangan grantlar tanlovi natijalari e’lon qilindi. Tanlov yakuniga ko‘ra, TISU tarix kafedrasi dotsenti Mavlyuda Fayzullayeva hamda Xalqaro aloqalar bo‘limi boshlig‘i, PhD Moxirux Xoshimxo‘jayeva “Janub ta’mlari: Surxondaryo milliy o‘zbek taomlari bo‘ylab vizual sayohat” nomli loyiha bilan grant g‘olibi bo‘lishdi.
Etnografik-illyustrativ albom shaklida amalga oshiriladigan loyiha Surxondaryo viloyatining boy gastronomik merosini ilmiy va vizual yondashuv asosida yoritishga qaratilgan. Ushbu nashr milliy taomlarimizni xalqaro miqyosda targ‘ib etish, madaniy merosni asrash hamda gastronomik turizmni rivojlantirishga xizmat qilishi kutilmoqda.
