Sho‘rchi tumanida kuzatilayotgan qor yog‘ishi va sovuq ob-havo sharoitlariga qaramasdan, elektr tarmoqlari korxonasi ishchi brigadalari kuchaytirilgan ish rejimida faoliyat olib bormoqda. Kechki va tungi soatlarda ham xizmat qilayotgan energetiklar tomonidan yuzaga kelayotgan nosozliklar tezkorlik bilan bartaraf etilmoqda.
Bu sa’y-harakatlar, eng avvalo, aholi uchun qulay yashash sharoitlarini ta’minlash, har bir xonadonda yorug‘lik va barqaror elektr energiyasini uzluksiz yetkazib berishga qaratilgan. Energetiklarning fidokorona mehnati jamiyat barqarorligi, ijtimoiy sohalar va kundalik hayot uzluksiz ishlashining muhim omili bo‘lib xizmat qilmoqda.
