Surxondaryo viloyati delegatsiyasi Fors viloyatiga amalga oshirilgan amaliy tashrif doirasida Sheroz shahridagi yirik sanoat korxonalari faoliyati bilan yaqindan tanishdi hamda qator uchrashuv va muzokaralar o‘tkazdi.
Tashrif davomida delegatsiya a’zolariga hududning sanoat imkoniyatlari, ishlab chiqarish quvvatlari va eksport yo‘nalishlari haqida batafsil ma’lumot berildi. Xususan, elektr uzatish uskunalari, bo‘yoq mahsulotlari, yopishqoq materiallar, lazer texnologiyalari hamda kompozit quvurlar ishlab chiqarishga ixtisoslashgan korxonalar faoliyati o‘rganildi.
Uchrashuvlarda savdo-iqtisodiy aloqalarni kengaytirish, qo‘shma sanoat va investitsiya loyihalarini amalga oshirish masalalari muhokama qilinib, o‘zaro manfaatli hamkorlikni rivojlantirish bo‘yicha kelishuvga erishildi.
