Surxondaryo viloyati hokimi tashabbusi bilan bir guruh mahalliy tadbirkorlar Xitoy Xalq Respublikasining Shandun provinsiyasida joylashgan yetakchi sanoat korxonalari faoliyati bilan tanishmoqda. Safar davomida ular zamonaviy texnologiyalar, ishlab chiqarish jarayonlari va innovatsion yondashuvlarni o‘rganib, ushbu tajribani Termiz tumanida barpo etilayotgan “Texno Park” loyihasiga tatbiq etishni rejalashtirmoqda.
Xususan, tadbirkorlar plastik va yog‘ochga ishlov berish uskunalari ishlab chiqarishga ixtisoslashgan “Qingdao Xindacheng Plastic Machinery Co., Ltd.”, “Qingdao Zhongsu Plastic Machinery Manufacturing Co., Ltd.” hamda “Qingdao SOSN Machinery Co., Ltd.” kompaniyalarida bo‘lib, ishlab chiqarish liniyalari va energiya tejamkor uskunalar faoliyati bilan yaqindan tanishdi.
Mazkur tashrif sanoat sohasida xalqaro tajribani o‘zlashtirish, innovatsiyalarni hududimizga joriy etish va “Texno Park” loyihasini samarali amalga oshirishga xizmat qilmoqda.
