Surxondaryoda Yangi yil bayramiga tayyorgarlik ishlari izchil davom etmoqda. Viloyat hokimi Ulug‘bek Qosimov Termiz tumanidagi “Yangi O‘zbekiston” massivida asosiy bayram archasini o‘rnatish jarayonlari bilan tanishdi.
Shuningdek, massivda joylashgan Termiz davlat pedagogika institutining yangi o‘quv binosida bayramga tayyorgarlik, qurilish dasturlari va loyihalar ijrosi haqida mas’ullar tomonidan axborot berildi.
Uchrashuvda bajarilayotgan ishlar tahlil qilinib, mavjud kamchiliklarni bartaraf etish choralariga to‘xtalildi. Bayram tadbirlarini xavfsiz va ko‘tarinki kayfiyatda o‘tkazish, shuningdek, qurilish loyihalarini sifatli hamda o‘z vaqtida yakunlash bo‘yicha mas’ullarga topshiriqlar berildi.
