Yangi yil bayrami arafasida hududlarda arzonlashtirilgan oziq-ovqat yarmarkalarini sifatli tashkil etish, xavfsizlik va tartibni ta’minlash bo‘yicha belgilangan vazifalar ijrosi Termiz shahridagi “Yashil dunyo” dehqon bozorida o‘rganildi.
Viloyat hokimi Ulug‘bek Qosimov bozor hududida tartib-qoidalarga rioya etilmayotgani, yo‘laklarning savdo uchun noo‘rin egallanishi va ayrim joylarda narxlar tartibga solinmaganini keskin tanqid qildi. Mutasaddilarga intizomiy va moddiy javobgarlik choralarini ko‘rish, tartibni tiklash va narx barqarorligini ta’minlash bo‘yicha aniq topshiriqlar berildi.
Yig‘ilish davomida barcha hududlardagi yarmarkalarda xavfsizlik, yong‘in profilaktikasi va arzonlashtirilgan savdo faoliyatini kuchaytirish vazifalari belgilandi. Bozorlardagi vaziyat muntazam qayta o‘rganilib, mas’ullar faoliyati baholanadi.
