Prezident tashabbusi bilan o‘zbek tilining xalqaro nufuzini oshirish maqsadida xorijiy fuqarolarga mo‘ljallangan “Uzbek language proficiency test” platformasi sinovdan o‘tkazildi. Bilim va malakalarni baholash agentligi tomonidan tashkil etilgan aprobatsiya imtihoni CEFR standartlari asosida tinglab tushunish, o‘qish, yozish va gapirish ko‘nikmalarini baholadi.
A1, A2 va B1 darajalarini qamrab olgan elektron sinovda 379 nafar chet elliklar va fuqaroligi bo‘lmagan shaxslar ishtirok etdi. Natijalar asosida topshiriqlar mazmuni, baholash mezonlari va platforma funksiyalari yanada takomillashtirilishi belgilandi.
