Termiz shahrida Yangi yil bayramona muhitini yaratish bo‘yicha keng ko‘lamli ishlar olib borilmoqda. Markaziy ko‘chalar, bog‘lar, savdo markazlari bayram illyuminatsiyalari va dekorlar bilan bezatilmoqda.
Viloyat hokimi Ulug‘bek Qosimov shahar bo‘ylab amalga oshirilayotgan tayyorgarlik jarayonlari bilan tanishdi. Yangi yil archalarini o‘rnatish, “Yashil dunyo” bozorini bezash, arzonlashtirilgan mahsulotlar yarmarkalarini kengaytirish hamda Jo‘yjangaldagi saylgohda savdo va xizmat ko‘rsatish maskanlarini tashkil etish ishlari ko‘zdan kechirildi.
Mas’ullarga bayram tadbirlarini sifatli tashkil etish, archalarni tez fursatda o‘rnatish va aholiga mo‘ljallangan ko‘ngilochar dasturlar hamda arzonlashtirilgan yarmarkalar faoliyatini kengaytirish bo‘yicha topshiriqlar berildi.
