Xalqaro nogironlar kuni munosabati bilan Sherobod tumanining barcha mahallalarida ijtimoiy himoyaga muhtoj fuqarolar bilan uchrashuvlar tashkil etildi. “Qo‘rg‘on” mahallasi faollari ham xonadonlarga tashrif buyurib, nogironligi bo‘lgan fuqarolar va ehtiyojmand oilalarning turmush sharoiti, muammolari hamda ehtiyojlarini o‘rgandi.
Tashrif chog‘ida zarur ko‘mak choralarini belgilash, tashkilotlarga yetkazilishi lozim bo‘lgan masalalar bo‘yicha murojaatlar tayyorlandi. Shuningdek, aholiga mavjud ijtimoiy yordam turlari haqida ma’lumot berildi. Mazkur tadbirlar tumanda ijtimoiy birdamlikni mustahkamlash va muhtoj qatlamlarga e’tibor hamda g‘amxo‘rlikni kuchaytirishga xizmat qilmoqda.
