kunlarda Surxondaryo viloyatida 2026-yilgi g‘alla hosili uchun boshoqli don ekish ishlari jadal sur’atlarda davom etmoqda. Yerga qadalgan urug‘ning sifatli va tez unib chiqishi, yuqori hosil olish uchun esa suv resurslaridan oqilona foydalanish muhim ahamiyat kasb etadi.
Viloyat hokimi Ulug‘bek Qosimov Bandixon tumaniga tashrifi yakunida mazkur yo‘nalishdagi vazifalar ijrosini o‘rgandi. Mas’ullar irrigatsiya tarmoqlarini modernizatsiya qilish, suv yetkazib berish va xizmat ko‘rsatish sifatini oshirish yuzasidan axborot berdilar.
Suv resurslaridan unumli va tejamkor foydalanish, bebaho ne’mat sifatida asrab-avaylash hamda uning behuda sarf bo‘lishining oldini olishga xizmat qiluvchi zamonaviy texnologiyalarni keng joriy etish zarurligi ta’kidlandi.
Shuningdek, mas’ullarga qishloq xo‘jaligi ishlarini belgilangan agrotexnik talablarga muvofiq tashkil etish va urug‘ ekish jarayonlarini sifatli amalga oshirish bo‘yicha aniq vazifalar yuklatildi.
