O‘zbekiston Respublikasi Maktabgacha va maktab ta’limi vazirligi delegatsiyasi xalqaro chempionatda ishtirok etish maqsadida hozirda Tataristonning Yelabuga shahrida joylashgan “Alabuga” maxsus iqtisodiy zonasida bo‘lib turibdi. Delegatsiya tarkibida Surxondaryo viloyat Maktabgacha va maktab ta’limi boshqarmasi boshlig‘i Xusniddin Mamadiyev ham ishtirok etmoqda.
Ushbu safar davomida “Alabuga” politexnikumida tahsil olayotgan, shundan 17 nafari O‘zbekistondan bo‘lib, 10 nafari aynan surxondaryolik bo‘lgan talabalar bilan uchrashdi. Ularning ta’lim jarayoni, yaratilgan sharoitlar hamda amaliyot imkoniyatlari bilan yaqindan tanishdi.
Shuningdek, “Alabuga”da yo‘lga qo‘yilgan dual ta’lim shakli doirasida talabalar amaliyot olib borayotgan avtomobil zavodi hamda qurilish materiallari zavodiga tashrif buyurildi. Bundan tashqari, “Alabuga” maxsus iqtisodiy zonasi rahbariyati bilan uchrashuv o‘tkazilib, ikki tomonlama tajriba almashish, qo‘shma ta’lim dasturlarini yo‘lga qo‘yish imkoniyatlari muhokama qilindi. Uchrashuv davomida o‘zaro esdalik sovg‘alari almashildi.
