Uzun tumanida harbiy xizmat davomida fuqarolik burchini teran anglagan, Vatanga sadoqatli, ma’naviy barkamol va harbiy qasamyodiga sodiq farzandni voyaga yetkazgan fuqaro — Barno Xaydarovaga Davlat xavfsizlik xizmati tomonidan tashakkurnoma taqdim etildi.
Mazkur e’tirof xonadonning o‘zida Uzun tumani hokimi Xabibulla Bozorov ishtirokida topshirildi. Tashrif davomida tuman hokimi Barno Xaydarovaga yuksak minnatdorlik izhor etib, ona Vatanga sodiq farzandlar tarbiyasida oilaning, ayniqsa onalarning o‘rni beqiyos ekanini alohida ta’kidladi.
Ushbu tashabbus yurt himoyachilarini yetishtirayotgan oilalarga e’tibor va e’tirof ifodasi bo‘lib xizmat qiladi.
