Termiz davlat muhandislik va agrotexnologiyalar universiteti rektori Rasul To‘rayev Xitoy Xalq Respublikasining Shinjon viloyatida joylashgan Shihez shahrida o‘tkazilgan “ISAED 2025” xalqaro konferensiyasida ishtirok etdi. Ushbu uchrashuvlar orqali rektor qishloq xo‘jaligi texnikasini ishlab chiqaruvchi kompaniyalar bilan amaliy muzokaralar olib borib, qo‘shma loyihalar ustida hamkorlik qilish imkoniyatlarini muhokama qildi.
Tashrif yakunida MoU (o‘zaro anglashuv memorandumi) va boshqa qo‘shimcha kelishuvlar imzolandi. Rasul To‘rayev ushbu marosimda faol ishtirok etdi va konferensiya doirasidagi hamkorlikning huquqiy asoslarini mustahkamlashga hissa qo‘shdi.
Safar davomida rektor Xitoy milliy madaniyatiga oid tadbirlarda ham qatnashib, Shihez shahri va uning atrofidagi tarixiy va madaniy obidalar bilan yaqindan tanishdi. Mazkur uchrashuvlar va madaniy dasturlar doirasida amalga oshirilgan ishlar OTMlararo hamkorlikni yangi bosqichga olib chiqishga xizmat qilishi shubhasiz.
