Uzun tumanida “Yangiro‘zg‘or” mahallasi tajribasi asosida 9 ta mahallada uzumchilikni rivojlantirish bo‘yicha amaliy ishlar boshlab yuborildi. Mahallalarda fuqarolarning ko‘cha va tomorqalarida tok so‘risi qurilishi yo‘lga qo‘yilmoqda.
Dastlabki bosqichda har bir xonadon to‘liq o‘rganilib, uzum yetishtirish istagida bo‘lgan oilalarga subsidiya, kredit va boshqa ko‘mak shakllari asosida amaliy yordam ko‘rsatilmoqda.
Mazkur tashabbus mahallalarda aholi daromadini oshirish, tomorqalardan unumli foydalanish hamda kambag‘allikni qisqartirishga qaratilgan bo‘lib, bu boradagi ishlar bosqichma-bosqich davom ettiriladi.
