Uzun tumanida zamonaviy talablarga javob beradigan yangi “Imkon Eko” savdo majmuasi foydalanishga topshirildi. Ochilish marosimida tuman hokimi Xabibulla Bozorov ishtirok etdi. Ilk kundanoq savdo majmuasi xaridorlar bilan gavjum bo‘ldi.
Yangi savdo majmuasi aholiga qulay va sifatli xizmat ko‘rsatish bilan birga, tumandagi tadbirkorlar uchun ham yangi ish o‘rinlarini yaratgani bilan e’tiborli bo‘ldi. Majmua hududida oziq-ovqat, sanoat mahsulotlari va maishiy xizmat ko‘rsatish shoxobchalari faoliyat yuritadi.
Tadbir davomida tuman hokimi ushbu loyiha mahalliy iqtisodiyot rivojiga xizmat qilishi va aholining ijtimoiy farovonligiga hissa qo‘shishini ta’kidladi.
