Katta hayot ostonasida turgan yoshlar oliy ma’lumot diplomiga ega bo‘lishadi. Bu esa tanlagan sohalari bo‘yicha ilk va mustaqil qadamni tashlashadi degani. Ana shunday hayaon oldida turgan yoshlarni orzu va maqsadlari katta, albatta. Termiz davlat universitetida esa mutaxassisliklarni tamomlagan bitiruvchilarga diplomlarini topshirish haftaligiga start berildi.
Noan’anaviy tarzda tashkil etilgan diplom topshirish marosimida Termiz davlat universitetining yuridik hamda kimyo fakulteti talabalari ishtirok etdi. Samimiy muloqotlarda farzand tarbiyasi yo‘lida ibrat ko‘rsatgan ota-onalarga ehtirom ko‘rsatildi, esdalik uchun suratlarga tushildi. Hatto yuridik fakultetini tamomlayotgan andijonlik bitiruvchining o‘n besh nafar qarindoshlari bilan alohida suratga tushildi.
Ayniqsa, talabalarga Erkin A’zamning “Gonoluluga elchi” kitobining sovg‘a qilinishi, ularning kitob javonini yana bir shoh asar bilan boyitish barobarida 2054-yil nishonlanadigan universitetimizning 100 yilligi tadbirlariga taklifnoma ekanligi, ularga universitet professor-o‘qituvchilarning mehrini, shogirdining kelajagiga bo‘lgan daxldorligini namoyon etdi.
