Og‘ir xastaligi tufayli sho‘rchilik Sayram Qurbanova mahalladagi ijtimoiy xodim Iqbol Primqulova tashabbusi bilan tibbiy ko‘rikdan o‘tkazildi va 2-guruh nogironligi rasman belgilandi. Sog‘ligi tiklanayotgan ayolni hayotga qaytarishga qaratilgan sa’y-harakatlar boshlanish bilan birga, zarur bo‘lgan bepul dori-darmonlar ajratildi va doimiy patronaj xizmati tashkil etildi.
Bu bilan kifoyalanmay, fuqaroning oilasiga ham kerakli yordam ko‘rsatildi. Ayolning 2-guruh nogironi bo‘lgan turmush o‘rtog‘i Juma Rahmonov tuman tibbiyot bo‘limiga navbatchi qorovul bo‘lib ishga kirgach, oilasiga daromad kira boshladi. Bu nafaqat oilaning moddiy ta’minotini yaxshiladi, balki oilaviy mustahkamlikni tiklashga ham xizmat qildi.
