Termiz shahridagi A.Avloniy mahallasida Termiz garnizonidan harbiy qismning harbiy xizmatchilari, Yoshlar ishlari agentligi Termiz shahar bo‘limi, Ijtimoiy himoya milliy agentligi va “mahalla yettiligi” hamkorligida “Yoshlar festivali”i tashkil etildi.
Tadbirda harbiy xizmatchilarning ko‘rgazmali qo‘l jangi sahnalari hamda turli chiqishlar namoyish etildi va yosh tomoshabinlarda katta taassurot qoldirdi. Ayniqsa, harbiy orkestr ijrosidagi vatanni madh etuvchi kuy-qo‘shiqlar ijrosi barchaga manzur bo’ldi.
Mana shunday tadbirlar yoshlarda ona Vatanga bo‘lgan sadoqat va vatanparvarlik ruhini oshirishga xizmat qiladi.
M.Choriyeva
