O‘zbekiston shaxmat federatsiyasi hamda Xalqaro shaxmat akademiyasi hamkorligida 20 yoshgacha bo‘lgan imkoniyati cheklangan o‘g‘il-qizlar, erkaklar va ayollar o‘rtasida shaxmat bo‘yicha O‘zbekiston birinchiligi bo‘lib o‘tdi.
Ushbu musobaqada Surxondaryo viloyati “Barkamol avlod” bolalar maktabining shaxmat to‘garagi a’zosi O‘ralbek Normo‘minov ishtirok etib, faxrli 1-o‘rinni egalladi. O‘ralbek endi Hindiston davlatida bo‘lib o‘tadigan IPCA – Xalqaro nogironlar shaxmat assotsiatsiyasining 24-Jahon chempionatida O‘zbekiston sharafini himoya qiladi.
