Sho‘rchi tumanida “Faol hayotga qadam” dasturi doirasida yangi, zamonaviy yondashuv asosidagi ijtimoiy xizmatlar joriy etildi. Mazkur dastur asosida 18 yoshdan katta bo‘lgan, mustaqil hayot kechirish imkoniyati cheklangan fuqarolarga kerakli yordam ko‘rsatiladi. Davlat tomonidan ko‘rsatilayotgan bunday e’tibor va g‘amxo‘rlik ana shunday fuqarolarning kayfiyatini ko‘tarib, hayotga, yashashga bo‘lgan ishtiyoqini oshiradi.
“Bobotog‘” mahallasida faoliyat boshlagan ijtimoiy xizmatlar markazi 20 o‘ringa mo‘ljallangan ushbu zamonaviy maskanda ayni paytda 10 nafar parvarishga muhtoj keksalarga xizmat ko‘rsatilmoqda. Ushbu dasturning yo‘lga qo‘yilishi – aholining ijtimoiy zaif qatlamiga amaliy yordam ko‘rsatish, ularning hayot sifatini oshirishga qaratilgan muhim ijtimoiy tashabbusdir.
