Yoshlarga harbiy-vatanparvarlik ruhini singdirish maqsadida “Shijoat va g‘ayrat” harbiy-sport musobaqasining viloyat bosqichi yuksak saviyada o‘tkazildi. Tantananing ochilish marosimida Surxondaryo viloyati yoshlar ishlari boshqarmasi boshligʻi A.Xurramov hamda hamkor tashkilotlar ishtirok etib, barcha yoshlarga omad tiladi.
Musobaqada viloyatimizdagi 15 ta tuman va shahardan jami 150 nafar ishtirokchi qatnashdi. Har bir jamoadan 10 nafar yosh: 8 nafar yigit va 2 nafar qiz 6 ta shart bo‘yicha kuch sinashdi. Qizg‘in va murosasiz kechgan baxslarda Sariosiyo tumanining “Nurbuloq” mahalla jamoasi birinchi o‘ringa munosib ko‘rildi va musobaqaning respublika bosqichiga ishtirok etadigan bo‘ldi.
