Yangi g‘oya va tashabbuslarga ilhomlantirdi

Termiz shahrida yurtimiz ayollarining faolligini, salohiyatini va jamiyatdagi o‘rnini yuksak qadrlash, ularning ijodiy va intellektual salohiyatini keng targ‘ib qilish maqsadida “Bunyodkor ayollar – 2025” festivali yuqori saviyada tashkil etildi.
Festival doirasida xotin-qizlarning ijtimoiy-siyosiy hayotdagi ishtiroki, ularning kasbiy mahorati, hunarmandchiligi, tadbirkorligi hamda san’at va madaniyatdagi yutuqlari keng namoyon etildi. Tadbirda Termiz shahar hokimining o‘rinbosari G.Rahmonova hamda turli sohalarda faoliyat yuritayotgan ilg‘or ayollar, ijtimoiy faol yoshlar, jamoatchilik vakillari hamda mehmonlar ishtirok etdi.
Shuningdek, milliy qadriyatlarimizni aks ettiruvchi qo‘l mehnati mahsulotlari va boshqa turdagi ko‘rgazmalar, madaniy-ma’rifiy dasturlar, badiiy chiqishlar, mahorat darslari va turli tanlovlar tashkillashtirildi. Shu bilan birga, tadbir ishtirokchilari uchun motivatsion uchrashuvlar va ijtimoiy loyihalarning taqdimoti ham o‘tkazildi. aytish kerakki, ushbu festival Termiz shahridagi xotin-qizlarning faolligini yanada oshirishga, ularni yangi g‘oyalar va tashabbuslarga ilhomlantirishga xizmat qildi.