Plogging aksiyasida yoshlar faol

Surxondaryo viloyatida ekologik madaniyatni targ‘ib qilish maqsadida navbatdagi plogging aksiyasi o‘tkazildi. Tadbir kuni kecha Uchqizil turizm maskanida bo‘lib o‘tdi.
Aksiya davomida oliy ta’lim muassasalari talabalari va yoshlar faol ishtirok etib, turizm maskani hududida to‘planib qolgan chiqindilarni yig‘ishtirib, atrof-muhitni tozalashga hissa qo‘shdilar. Tadbir yakunida eng faol ishtirokchilar esdalik sovg‘alari va faxriy yorliqlar bilan taqdirlandi.
Mazkur aksiya “Chiqindisiz tabiat” shiori ostida o‘tkazilayotgan respublika miqyosidagi ekotashabbuslarning muhim bir bo‘lagi hisoblanadi.