“At Termiziy” ko‘chasi asfaltlandi

Qayga bormaylik, qulaylik qidiramiz. Shart-sharoitlardan bahramand bo’lish kishiga zavq bag’ishlaydi, bugunidan rozi, ertangi kuniga esa ishonchini oshiradi. Ana shunday imkoniyatlar yaratilayotgan yurtda faqat bitta maqsad — inson qadrini ulug’lash yotadi. Angor tumanida ham islohitlar samarasi, o’zgarishlar nasimi esmoqdaki, buni har jihatdan sezish, his etish mumkin. Tumandagi yo‘l infratuzilmasini yaxshilash bo‘yicha ham ishlar izchil davom etmoqda. Ayni paytda tuman markazidagi “At Termiziy” ko‘chasida asfalt yotqizish ishlari olib borilmoqda.
Tuman hokimi Qosim Mardonov amalga oshirilayotgan ishlar bilan shaxsan tanishib, qurilish jarayonini nazorat qildi. Mutasaddilarga ish sifatini ta’minlash va belgilangan muddatlarda yakunlash bo‘yicha tegishli topshiriqlar berildi.
Mazkur yo‘l ta’miri aholi va haydovchilar uchun qulaylik yaratish, yo‘l harakati xavfsizligini ta’minlashga xizmat qiladi.