Janubi-G‘arbiy maxsus harbiy okrugga qarashli Xayraobod garnizonida “Shoirlar va harbiylar uchrashuvi” o‘tkazildi.
Tadbirda O‘zbekiston Respublikasi Oliy Majlisi Senati a’zosi, xalq shoiri Sirojiddin Sayyid, Surxondaryo viloyati Yozuvchilar uyushmasi rahbari Mengdor Ollomurodov hamda bir guruh taniqli ijodkorlar ishtirok etdi.
Shoirlar Vatan, tinchlik va sadoqat mavzusidagi she’rlarini o‘qishdi, harbiylar bilan badiiy muloqot olib borishdi. Savol-javoblar va samimiy suhbatlar orqali ruhiy yaqinlik va ma’naviy hamjihatlik muhiti yaratildi.
Uchrashuv yakunida garnizon kutubxonasiga badiiy adabiyotlar sovg‘a qilindi. Bu esa harbiylarning ma’naviy dunyoqarashini boyitishga munosib hissa bo‘ldi.
