Yaqinda Termiz davlat universiteti talabalari tomonidan yozuvchi Chingiz Aytmatovning “Momo yer” asari asosida sahnalashtirilgan spektaklning premyerasi bo‘lib o‘tganidan xabaringiz bor.
Universitet qoshidagi “Janub gavhari” talabalar teatr studiyasi a’zolari bu gal ham yuksak mahorat namoyon etib, viloyat mutasaddilari, oliy ta’lim muassasalari mas’ullari, huquqni muhofaza qiluvchi organlar vakillari hamda keng jamoatchilikka yozuvchining chuqur ma’no va tarix ruhi bilan yo‘g‘rilgan asarini yorqin va ta’sirchan tarzda sahnaga olib chiqishdi.
Spektakl davomida zalda o‘tirganlar ko‘z yoshini yashira olmadi. Yozuvchining chuqur falsafasi va talabalarning samimiy ijrosi birlashib, tomoshabin qalbiga yetib bordi.
