Endi asalari boqishadi

“Kambag‘allikdan farovonlik sari” dasturini amalga oshirish bo‘yicha Boysun tumanidagi 5 ta eng og‘ir toifadagi mahallalar tanlab olinib, aholini tadbirkorlikka jalb qilish hamda kambag‘al oilalar reyestriga kiritilgan oilalar a’zolarining bandligini ta’minlash, ularni moliyaviy qo‘llab-quvvatlash borasida bir qator tizimli ishlar olib borilmoqda.
Jumladan, tuman hokimi Bahodir Shukurov boshchiligida “Inkabod” mahallasida istiqomat qiluvchi 10 ta xonadon egalarini bandligini ta’minlash, oilaviy daromadlarini ko‘paytirish shuningdek, tadbirkorlik qilish maqsadida homiylar tomonidan ajratilgan 10 oila asalari uyasi hamda ularni ozuqalari yetkazib berildi.
“Uztransgaz” homiyligida 50 nafar fuqaroni kooperativ asosida biriktirilib, asalarichilar onlayn o‘qitiladi va haftasiga 1 martadan xabar olinib, oziqlantirish jarayoni o‘rgatilib boriladi.