Termiz shahrida ham “Gʻamxoʻrlik” guruhlari oʻz faoliyatini boshlaganidan xabaringiz bor.Mazkur guruhlarga 3 yoshdan 6 yoshgacha boʻlgan ixtisoslashtirilgan maxsus ta’lim muassasalariga qamrab olinmagan bolajonlar qabul qilinadi.
Har bir “Gʻamxoʻrlik” guruhi 6-8 nafar boladan iborat boʻladi. Bu esa bolajonlar bilan individual shugʻullanish imkonini beradi. Ushbu guruhlar ehtiyojni inobatga olgan holda 2 ta smenada tashkil etildi.
Ushbu guruhlarning ochilishini ayniqsa, ota-onalar katta mamnuniyat bilan qarshi oldilar. Onajonlardan biri farzandim endi jamiyatga qoʻshiladi deya quvongan boʻlsa, ularning yana biri yaratilgan sharoitlar va zamonaviy jihozlarni koʻrib, xursandchilik koʻz yoshlarini yashirolmadi.
