Mamlakatimizning har bir go’shasida 8-mart — Xalqaro xotin-qizlar bayrami tantanali nishonlanmoqda. Jumladan, Termiz tumanida ham sana munosabati bilan bayram tadbiri bo‘lib o‘tdi. Mazkur tadbirda turli sohalarda faoliyat yuritayotgan, fidokorona mehnati bilan jamiyat rivojiga munosib hissa qo‘shib kelayotgan munis va fidoyi ayollar ishtirok etdi.
Ushbu tadbirda tuman hokimi Shuxrat Nazarov barcha ayollarni bayram bilan tabriklab, mamlakatimizda xotin-qizlarning jamiyatdagi o‘rni va mavqeini oshirish, huquq va manfaatlarini himoya qilish, turmush sharoitini yaxshilash borasida amalga oshirilayotgan islohotlar haqida so‘z yuritdi.
Shuningdek, tuman ijtimoiy hayotida faol ishtirok etayotgan bir guruh ayollarga tashakkurnomalari va esdalik sovg‘alari topshirildi. Tadbir Madaniyat bo‘limi tomonidan tayyorlangan bayram dasturi bilan yanada fayzli va shukuhli tus oldi.
D.Mahmudova
