Murakkab jarrohlik amaliyoti o‘tkazildi

O‘zbekiston Respublikasi Prezidenti Administratsiyasi Ijtimoiy rivojlanish departamentining Respublika ixtisoslashtirilgan travmatologiya va ortopediya ilmiy-amaliy tibbiyot markazining hududiy filiallari bilan tuman va shaharlarda joriy yilda keng hamkorlik qilish bo‘yicha ishlab chiqilgan yo‘l xaritasiga asosan hududlarda travmatologiya va ortopediya yo‘nalishida kasalliklarning oldini olish, diagnostika va davolash sifatini oshirish bo‘yicha ishlar olib borilmoqda.
Yo‘l xaritasiga ko‘ra, Angor va Denov tumanlarida ham jarrohlik amaliyotlari olib borilishi belgilangan. Angor tumani tibbiyot birlashmasida Respublika ixtisoslashgan travmatologiya-ortopediya ilmiy-amaliy tibbiyot markazi shifokorlari hamda tibbiyot birlashmasi shifokorlari hamkorligida jarrohlik amaliyoti o‘tkazildi.
Avtoavariya sababli son suyagi sinishi asorati bilan murojaat qilgan bemorda yuqori texnologiyali jarrohlik amaliyoti o‘tkazilib, sog‘ligi bilan bog‘liq muammo bartaraf etildi.