Tashabbusi ila el shod

Daraxt ekish savob, ekologiyaga foyda. Ayni foydali jihatlariga to‘xtaladigan bo‘lsak, birgina mevali daraxtning o‘zi mevasi pishib yetilgach, mevalari yig‘ib terilib sotilgach, har kilosi pul deyavering. Ayniqsa, mevali daraxtlaringiz bir emas, bir nechta bo‘lsa bormi, mavsumdan mo‘may daromad bilan chiqasiz. Shundan keyin bog‘ yaratishni, erta bahordan, to kech kuzga qadar turli mevalardan daromad ko‘rizshni ko‘zlashingiz aniq.
Jarqo‘rg‘on tumanidagi “Mingchinor” mahalla fuqarolar yig‘inida ijtimoiy himoyaga muhtoj oilalarga yordam ko‘rsatish maqsadida navbatdagi xayrli tashabbus amalga oshirildi. Mahalla faollari va ko‘ngillilar hamkorligida kam ta’minlangan oilalar hovlisiga mevali va manzarali daraxt ko‘chatlari ekildi. Ushbu tashabbus atrof-muhitni yanada obodonlashtirish, yashil makonlarni ko‘paytirish va kelajak avlod uchun sog‘lom ekotizim yaratishga qaratilgan. Shuningdek, oilalarga ekilgan daraxtlarni parvarishlash bo‘yicha kerakli tavsiyalar berildi.
Bu kabi ekologik aksiyalar kelgusida ham davom ettirilib, ehtiyojmand oilalarga qo‘shimcha daromad manbai yaratishda hissa qo‘shiladigan bo‘ldi.