Davlatimiz rahbarining tashabbusiga binoan, “Yashil makon” umummilliy loyihasi doirasida Surxondaryo viloyatida amalga oshirilayotgan yangi loyiha – “AYOQSHlari bog‘i” loyihasi amalga oshirilmoqda. Ushbu loyiha doirasida yoqilg‘i quyish shoxobchalari egalari tashabbusi bilan hududlarda 10 gektargacha bo‘lgan yashil maydonlar tashkil etilmoqda.
Jumladan, Surxondaryo viloyati hokimi Ulug‘bek Qosimov Termiz tumanida bo‘lib, “At-Termiziy” mahallasida tashkil etilgan bog‘ yaratish tadbirida ishtirok etdi. Mazkur tadbirda davlat va jamoat tashkilotlari vakillari, tadbirkorlar, nuroniylar hamda mahalla faollari ishtirok etib, daraxt ko‘chatlari ekdilar va yashil hududni barpo etish ishlariga o‘z hissalarini qo‘shdilar.
Shuningdek, shu yerning o‘zida viloyat rahbari “Zoom” platformasi orqali vohamizning barcha hudularida mazkur tashabbusga start berdi. Loyiha doirasida yashil hududlarni kengaytirish, avtomobillarning atrof-muhitga salbiy ta’sirini kamaytirish va havo musaffoligini ta’minlash ko‘zda tutilgan.
D.Qo‘zimurotova
