Kambag‘allik eng katta muammo. Uni bartaraf etish, odamlarni tushkun kayfiyatdan qutqarish lozim. Bunda eng avvalo, psixologik yordam ko‘rsatish lozim. Kambag‘allikka barham berish maqsadida yeng shimarib ish boshlagan mas’ullar borki, qanday ish tutish lozimligini bilishlari lozim. Ana shundagina maqsadga erishish oson kechadi. Ijtimoiy himoya milliy agentligi, YUNISEF bolalar jamg‘armasi bilan hamkorlikda “Kambag‘allikdan farovonlik sari” dasturi ijrosini ta’minlash maqsadida Surxondaryo viloyatidagi “Inson” ijtimoiy xizmatlar markazlari supervayzerlari va psixologlari uchun 3 kunlik treninglar o‘tkazilmoqda.
Ushbu o‘quv treninglarining asosiy maqsadi, viloyatimizdagi ijtimoiy xizmatlar tizimida faoliyat yuritayotgan xodimlarning malakasini oshirish va oilalarga yordam ko‘rsatish bo‘yicha zarur bilimlar berishdir. Treniinglarda kambag‘allik tushunchasi, uning oilalarga ta’siri, oilaviy psixo-emotsional xizmatlar ko‘rsatish, oilalarni qo‘llab-quvvatlash mezonlari kabi mavzular muhokama qilinadi.
