15-noyabrdan 15-dekabrgacha…

Sariosiyo tumani FVB xodimlari tomonidan “Yong‘in xavfsizligi oyligi” doirasida tumandagi 18-sonli umumta’lim maktabida ko‘rgazmali seminar tashkil qilindi. Unda o‘quvchilarga kuz-qish mavsumida sodir bo‘lishi mumkin bo‘lgan favqulodda vaziyatlar, jumladan, is gazidan zaharlanish, gaz-havo aralashmasining chaqnashi va yong‘inlarning oldini olish hamda ayni holat yuzaga kelganda to‘g‘ri harakatlanish borasida keng tushunchalar berildi.
Tadbir davomida o‘quvchilar yong‘in-qutqaruv texnikalari va asbob-anjomlarining imkoniyatlari bilan yaqindan tanishdilar. O‘z navbatida, o‘quvchilar uchun ushbu ko‘rgazmali seminar foydali bo‘ldi. Ular o‘zlari uchun kerakli bilim va tushunchalarni bilib oldilar.