Bir zarba bilan barchasi hal

Maydonda jang qilayotgan o‘smir yoshlarning xatti-harakatini kuzatsangiz, beixtiyor quvonasiz. Jangdan so‘ng g‘olib bo‘lgan bolalarning ko‘zidagi quvonch har bir kishiga Vatanga muhabbat, g‘urur tuyg‘usini jonlantiradi. Boks bo‘yicha 2011-2012-yillarda tug‘ilgan kichik o‘smirlar o‘rtasida Surxondaryo viloyat kubogi o‘tkazildi.
Maydonda 15 ta vazn toifasida kuch sinashgan 225 nafar o‘smirlar o‘rtasida g‘olib bo‘lganlar musobaqaning respublika bosqichida ishtirok etish yo‘llanmasini qo‘lga kiritishdi.
G‘oliblar “Sho‘rchidonmahsulotlari” AJ raisi, viloyat Kengashi deputati Sobir Ostonaqulov tomonidan medal, diplom va esdalik sovg‘alari bilan taqdirlandi. Umumjamoa hisobida 1-o‘rin Termiz shahri, 2-o‘rin Sho‘rchi, 3-o‘rin esa Jarqo‘rg‘on tumanilik yoshlarga nasib etdi.