“Bolaliktepa” obod manzilga aylanmoqda

Tarixiy yodgorliklarimiz kechani bugunga ulovchi, xalqni kechagi kun bilan tanishtiruvchi bebaho boylikdir. Ularni asrab avaylash, kelgusi avlodlarga bor bo‘yicha yetkazish bizning burchimizdir. Ammo haqiqiy holat qanday? Haqiqatan ham o‘zimizning ayni boradagi burchimizni ado eta olyapmizmi? Bunda trixiy yodgorliklar, madaniy meros obyektlarining holati asl haqiqatni so‘zlaydi.
Xususan, Angor tumanidagi “Bolaliktepa” arxeologiya yodgorligidagi holat ham havas qilarli darajada emas edi. E’tibordan, qarovdan chetda edi. Angor tumani hokimi Qosim Mardonov hamda mas’ullar Yangi hayot mahallasida joylashgan jahonga mashhur “Bolaliktepa” arxeologiya yodgorligida bo‘lishdi. Yodgorlik atrofini obodonlashtirish borasida olib borilayotgan ishlar nazorat qilindi. Shuningdek, tuman hokimi mas’ullarga hududni obodonlashtirish bo‘yicha topshiriq va ko‘rsatmalar buyurdi.
Arxeologik tadqiqotlar natijasida “Bolaliktepa” ko‘shki markaziy qismidan antiqa devoriy suratlar topilgan. Ushbu suratlar zalning supa sathidan boshlab to‘rt tarafini bezab turganligi aniqlangan. Ularda V-VII asrlarda zodagonlar va katta yer egalari qarorgohida bo‘lib o‘tadigan bazm jarayoni tasvirlangan bo‘lib, jami 47 nafar shaxs aks ettirilgan.