Subsidiya asosida…

Bugun ishli bo‘lish, daromad ko‘rish uchun ko‘p narsa kerak emas. Fuqarolarimiz o‘z imkoniyatlari, kasb-u korlari bilan jamiyatda o‘z o‘rinlarini topib borayotir. Ularga kichik bo‘lsa-da imkoniyat berilsa, kifoya. Vazirlar Mahkamasining 2022-yilning 11-maydagi “O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi mahallabay ishlash va tadbirkorlikni rivojlantirish agentligining aholini tadbirkorlikka jalb qilish jamg‘armasi mablag‘lari hisobidan subsidiyalar ajratish tartibi to‘g‘risida”gi 252-sonli qarori ijrosini ta’minlash maqsadida Uzun tumanida bir qator ishlar amalga oshirilmoqda.
Mahallalardagi hokim yordamchilari tavsiyasiga asosan “Ayollar daftari”da ro‘yxatda turuvchi 80 nafar xotin-qizga tikuv mashinasi topshirildi. Uzun tuman hokimi Xabibulla Bozorov tikuv mashinalarini egalariga topshirar ekan, ulardan samarali foydalanishlari, bu orqali oilaviy tadbirkorlikni yo‘lga qo‘yish bilan moddiy ahvollarini yaxshilashiga erishishlarini taʼkidlab o‘tdilar.