Ishidan ishtiyoqi oshib…

Zaminimiz unumdor va serhosil. Harakat qilgan inson kaftdek yerdan ham yaxshigina daromad qiladi. Sadoqat Toʻrayeva Qoʻshtegirmon mahallasida istiqomat qiladi. Bu yil hovlisidagi tomorqada issiqxona tashkil etib, qishloq xoʻjaligi mahsulotlari yetishtirishni yo‘lga qo‘yishdi.
Er-xotin qo‘sh xo‘kiz deb bejiz aytishmagan ekan, Sadoqat opa turmush o‘rtog‘i bilan birgalikda yer bilanib tillashib kam bo‘lishmayapti. Issiqxonasida erta bahorda pomidor ko‘chati yetishtirib, sotishgan bo‘lsa, endilikda bulg‘orqalampiri, baqlajon va qulupnaylari birma-bir mo‘l hosil berib, bozorga olib chiqishmoqda. Topadigan daromadlaridan esa ko‘ngillari shod. Ishidan ishtiyoqi oshib, kelgusi rejalarni ham puxta tuzib qo‘yishgan.