Pilla mavsumiga start berildi

Joriy yil pilla hosili uchun birinchi mavsumga start berildi. Termiz tumani pillakorlari marrani katta olishgan, bu yil uchun jami 2,5 ming quti ipak qurtini boqib, 154 tonna pilla yetishtirishmoqchi. Albatta, bu oson ish emas, ammo o‘z ishining ustalari bo‘lmish tajribali pillakorlar o‘ylagan rejasini udda qilishlari aniq.
“Termiz Agro pilla” MChJning Yangiariq filialida bo‘lib o‘tgan tadbirda ko‘p yillik tajribaga ega pillakorlar yoshlarga kerakli tavsiya va yo‘l-yo‘riqlarni aytib o‘tishdi. Qolaversa, mutasaddilar ham pilla yetishtirishning zamonaviy usullari, imkoniyat va imtiyozlari hamda boshqa masalalar yuzasidan pillakorlarga ma’lumot berishdi.
Tadbir so‘nggida ipak qurti yetishtirish bo‘yicha kontraktatsiya shartnomalari tuzilgan pillakorlar hamda fermer xo‘jaliklari vakillariga ipak qurti urug‘lari tarqatildi.