Ijodkor, qo‘liga qalam tutib, nasr yoki nazmda ijod qilishni ixtiyor etgan yosh borki, albatta, kitob ularning eng yaqin sirdoshiga aylangan bo‘ladi. Buni ular bilan suhbat chog‘ida, teran fikrlashidan, nutqini erkin va ravon, ayniqsa, badiiy bezak berib so‘zlashlaridan ham bilib olish mumkin. Ana shunday iqtidorlarni saralash, kashf etish maqsadida Surxondaryo viloyat bolalar kutubxonasida Kitobxonlik festivali doirasida “Ijodkor bolalar” ko‘rik-tanlovining viloyat bosqichi bo‘lib o‘tdi.
Tanlov davomida ijodkor bolalarning bilim va mahorati, mustaqil fikrlash qobiliyati kabi jihatlarga e’tibor qaratildi. Ishtirokchilar har bir shartda faollik ko‘rsatdi. Sherobod tumanidagi 32-sonli umumta’lim maktabining 11-sinf o‘quvchisi Sakiya Jumayeva 1-o‘ringa munosib ko‘rildi. G‘oliblar “Kitobxonlik festivali”da taqdirlanadilar
