Kitob – kishi hayotini charog‘on aylaguvchi so‘nmas nur, unga mazmun baxsh etguvchi saodat manbaidir. Kitob mutoalasi esa, insonni mulohaza bilan ish yuritishga o‘rgatadi. Ertamiz egalari bo‘lgan yosh avlod qalbida kitobga bo‘lgan muhabbat, millat tamadduniga daxldorlik hissini shakillantirish va bu bilan ularni vatanga sadoqat ruhida tarbiyalash borasida qator chora-tadbirlar amalga oshirilmoqda.
Ichki ishlar organlari sohaviy xizmatlarida faoliyat yuritayotgan xodimlar o‘rtasida kitobxonlikni keng targ‘ib qilish maqsadida, O‘zbekiston yoshlar ittifoqi Surxondaryo viloyati kengashi tomonidan “Ajdodlar izidan” intellektual o‘yini tashkil etildi. Munozaralarga boy bo‘lgan musobaqada ishtirokchi jamoalar “Temur tuzuklari”, Mirmuhsinning “Xo‘jand qal’asi”, Said Ahmad qalamiga mansub “Ufq” va Odil Yoqubovning “Ulug‘bek xazinasi” asarlaridan tayyorlangan savollar bo‘yicha bahs olib bordilar.
Intellektual o‘yin yakuniy natijalariga ko‘ra, Muzrabot tumani ichki ishlar bo‘limi jamoasi 1-o‘rinni egallab, tanlovning respublika bosqichiga yo‘llanmani qo‘lga kiritdi.
N.Musayeva
